Një qytetar në Ferizaj i dyshuar për tentim-vrasje është dorëzuar në Polici, derisa tek i njëjti është sekuestruar edhe një pistoletë, raporton teve1.info
Sipas njoftimit të Policisë, i dyshuari me vendim të prokurorit është arrestuar dhe është dërguar në mbajtje për 48 orë.
Rasti ka të bëjë me një vrasje në tentativë të raportuar më 20 maj në Ferizaj.
“Rr. Reçakut, Ferizaj 20.05.2023 – 02:05. Lidhur me rastin me datën 22.05.2023 në stacion policor është vet-dorëzuar i dyshuari mashkull kosovar nga i cili është sekuestruar një pistoletë e cila dyshohet se ishte përdorë në rast. I dyshuari me vendim të prokurorit është arrestuar dhe është dërguar në mbajtje për 48 orë”, thuhet në komunikatën e Policisë.
