Një grua në Fushë-Kosovë është raportuar e zhdukur derisa më pas është paraqitur në stacion policor për të raportuar dhunimin e saj, së bashku me ankuesin mashkull, raporton teve1.info
Sipas njoftimit të Policisë, viktima është intervistuar sipas procedurave ligjore dhe është dërguar për ekzaminim mjekësor.
Kurse lidhur me këtë rast është arrestuar një i dyshuar mashkull i cili është dërguar në mbajtje.
“Fushë Kosovë 21.05.2023 – 02:00. Ankuesi mashkull kosovar ka raportuar se viktima femër kosovare ishte larguar nga shtëpia dhe nuk dihej vendndodhja e saj. Pasi ishte raportuar si e zhdukur, viktima femër kosovare së bashku nën shoqërinë e ankuesit të lartcekur është paraqitur në stacion policor për raportim të rastit ‘dhunim’. Lidhur me rastin viktima është intervistuar sipas procedurave, dhe e njëjta është dërguar për ekzaminim mjekësor, po ashtu është arrestuar një i dyshuar mashkull kosovar i cili me vendim të prokurorit është dërguar në mbajtje”.