Shefi i Grupit Parlamentar të AAK-së, Besnik Tahiri, të shtunën ka adresuar një varg kritikash ndaj Qeverisë.
Ai ka thënë se Qeveria po bën një varg eksperimentesh me vendin, duke e vënë fokusin më shumë në dialog se në sektorët e tjerë.
Ai i ka quajtur të pakuptimtë thirrjet e kryeministrit që diaspora të investojë në Kosovë, kur thotë se çdo rrugë regjionale është pothuajse e pakalueshme.
“Do të adresojmë disa çështje, Qeveria duke eksperimentuar me dialogun, duke mos pasur qëndrime ajo është mbyllur dhe e vetëkënaqur me takimet që i ka dhe ka harruar interesin qytetar. Si AAK e themi se pasiguria në secilin sektorë dhe pore te jetës nuk mbahet mend që ka qenë më e madhe. Nuk mbahet mend të ketë më shumë pasiguri dhe nuk ka aspak shpresë”.
“Gjithçka është rritur në 40%. Kurti thotë po punojmë me pru mërgatën në Kosovë, qysh pret dikush me investuar që Qeveria nuk ka bë asnjë veprim. Kjo politikë e ka qasjen për me i hedh hi syve të popullit. Nuk ke qenë në gjendje as një kaci me asfalt me hedh”.
Ligji për Paga, ka shtuar Tahiri, është ligj që t’u rritet paga kryeministrit e ministrave.
“Kjo situatë, do të kemi probleme sociale në fund të vitit. Ku ka në botë paga minimale 170 euro”./EO
