Tre persona janë arrestuar nga Policia e Kosovës, pasi që të njëjtit kanë gjuajtur me koktej molotobi në drejtim të autobusit të KB Pejës.
Sipas Policisë së Kosovës, tre personat e dyshuar pas intervistimit me vendim të prokurorit janë dërguar në mbajtje.
Ngjarja ka ndodhur në rrugën “Dëshmorët e Kombit”, pas përfundimit të ndeshjes, kur Trepça ka pësuar humbje nga Peja, në finale të Play-offit, kështu duke u shpallur kampione e Kosovës në basketboll.
Nga Policia ky rast është cilësuar “Shkaktim i rrezikut të përgjithshëm”.
“Rr. Dëshmorët e Kombit, Mitrovicë 19.05.2023, 00:15. Janë arrestuar tre të dyshuar meshkuj kosovarë pasi që të njëjtit kanë gjuajtur me koktej molotovi në drejtim të autobusit të KB Peja. Të njëjtit pas intervistimit me vendim të prokurorit janë dërguar në mbajtje”, thuhet në raport. /teve1.info/
