Kompania Rajonale e Ujësjellësit “Prishtina” ka njoftuar se disa lagje në kryeqytet do të mbesin pa ujë gjatë ditës së premte, raporton teve1.info
Sipas njoftimit, kjo për shkak se do të realizohen punime teknike në ndërrimin e gypit AC fi 200, duke filluar nga ora 09:00-16:00.
“Gjatë kësaj periudhe kohore, pa furnizim me ujë mbesin këto zona shërbimi: Rruga e “Tiranës”, lagjja Arbëria pjesa nga hekurudha deri te rruga “Ahmet Krasniqi”, Komuna e Re, rruga “Bashkim Fehmiu”, rruga “Vicianum”, rruga “Nora e Hotit”, Stadiumi i Prishtinës me lokale përreth tij”, thuhet në njoftim.
Sipas njoftimit, realizimi i punimeve teknike ka për fokus përmirësimin e furnizimit me ujë të pijshëm dhe zvogëlimin e humbjeve teknike të ujit.
