Kosova Tango po organizon për herë të parë ‘Maratonën e vogël’ në Gjakovë, e cila ka filluar dje me datë 18 dhe do të zgjasë deri më 21 maj, ditë e diel.
Në ngjarjen e cila do të zgjasë për katër ditë rresht do të ketë pjesëmarrës nga vende të ndryshme.
Teksa të shtunën, duke filluar nga ora 18:00 në sallën e madhe të Hotel Pashtriku, orkestra e vetme tango në Kosovë, Orkestra Tango Pirolo Kosova nga Gjakova, do të luajë live për herë të parë në një milonga në vendlindjen e tyre.
Kurse në punëtoritë, vallëtarët e të gjitha niveleve mund të mësojnë nga instruktoret me përvojë shumëvjeçare.
‘Me këtë ngjarje, një ekip i vogël entuziastësh gjermano-kosovarë deshiron ta sjell “mbretin e të gjitha vallëve” – tangon argjentinase në Gjakovë/Kosovë. Katër ditë plot muzikë, vallëzim dhe pasion në pranverë. Ata kanë ftuar vallëtar të tango, DJ të njohur të tangos dhe instruktor të tangos nga e gjithë Evropa për të festuar një maratonë të vogël, por të shkëlqyer ndërkombëtarisht këtu në Gjakovë. Për katër ditë, ka gjithsej shtatë ngjarje – të ashtuquajturat milonga – në ambiente të brendshme dhe jashtme. Në punëtoritë, vallëtaret e të gjitha niveleve mund të mësojnë nga instruktoret me përvojë shumëvjeçare’, njofton Evolution Dance Kosovo.
Kurse ky është programi dhe detajet për këtë ngjarje./teve1.info./