Mbrojtësi Alessandro Bastoni ka refuzuar ofertat nga skuadrat angleze për t’i qëndruar besnik Interit. “Gazzetta dello Sport” ka shkruar të enjten se Bastoni ka arritur marrëveshje në parim për ta rinovuar kontratën me ekipin italian, gjë që do të zyrtarizohet brenda këtij muaji.
Me rinovimin e kontratës që i skadon vitin tjetër, Bastoni do të jetë pjesë e Interit deri në vitin 2028 dhe do ta ketë opsionin për ta vazhduar edhe për 12 muaj të tjerë.
24-vjeçari është ndër mbrojtësit më të vlerësuar në Serie A, ndërsa interesim për shërbimet e tij ka kohë që kanë shfaqur Manchester City, Tottenhami e Newcastle Unitedi.
Bastoni krahas 41 paraqitjeve këtë edicion me Interin ka kontribuuar edhe me 6 asistime, ndërsa në Itali ka luajtur edhe te Parma e Atalanta.