Kompania Rajonale e Ujësjellësit “Prishtina”, kanë bërë të ditur se është ndër institucionet e para publike që ka përmbushur kriteret e qasshmërisë për personat me aftësi të kufizuara.
Përmes një postimi në Facebook, kanë shkruar se nga 66 institucione publike e private, vetëm 5 prej tyre përmbushën standardet ndërkombëtare.
“KRU”Prishtina” ndër institucionet e para publike që ka përmbushë kriteret e qasshmërisë për personat me aftësi të kufizuara. Nga 66 institucione publike e private, vetëm 5 prej tyre përmbushën standardet ndërkombëtare Prishtinë, 18 maj – Gjatë ditës së sotme u mbajt Konferenca e organizuar nga SHPIK për Ditën Ndërkombëtare të Qasshmërisë. Konferenca u fokusua në prezantimin e barometrit të qasshmërisë, i cili për herë të parë në vendin tonë e bëri vlerësimin e faqeve të internetit të institucioneve publike lidhur me përmbushjen e standardeve ndërkombëtare. Kompania Rajonale e Ujësjellësit “Prishtina” është ndër institucionet e para që ka përmbushur kriteret e qasshmërisë për personat me aftësi të kufizuara andaj, me kënaqësi morëm pjesë duke e ndarë këtë sukses së bashku me të tjerët.”, thuhet në njoftimin e tyre.
Njëherit, kanë theksuar se përmbushja e këtyre standardeve është esenciale për personat me aftësi të kufizuara, e në veçanti të personave të verbër, përcjell teve1.info.
“Qasja dhe përfshirja janë të rëndësishme, të eliminohen barrierat, askush të mos mbetet prapa, qasje e barabartë për të gjithë!”, thuhet tutje në postim./teve1.info/.
