Deputeti nga radhët e Lidhjes Demokratike të Kosovës, Besian Mustafa e ka quajtur kryeministrin Kurti “mashtrues tipik”.
Ky reagim erdhi pasi kryeministri Kurti, në Twitter në gjuhën angleze ka njoftuar se ndërtesa e Qeverisë së Kosovës është ndriçuar me ngjyrat e flamurit LGBT.
Mustafa ka thënë se në Twitter, janë votuesit e Kurtit që janë pro komunitetit LBGT, e ndërkaq në Facebook janë votuesit që e kundërshtojnë LGBT-në dhe sipas tij, për këtë arsye Kurti nuk e ka postuar të njëjtin njoftim edhe në Facebook.
“Mashtrues tipik.Poston në Twitter në anglisht për t’i mashtruar votuesit e tij pro-LGBT por nuk e poston të njejtën në Facebook në shqip për t’i mashtruar votuesit e tij anti-LGBT. Dmth ky nuk ka parime, ka vetëm taktika për grabitje votash. Mashtrues tipik”, ka shkruar Mustafa.