Kryetari i ri i Zubin Potokut Izmir Zeqiri, ka thënë se tashmë janë duke i bërë të gjithë përgatitjet sa i përket mbajtjes së seancës së inaugurimit.
I ftuar në emisionin “Info Nata”, Zeqiri tha se i gjithë stafi është duke punuar në këtë drejtim dhe sipas tij, për momentin nuk kanë hasur në pengesa.
“Po procesi është duke shkuar mirë meqenëse akoma janë duke punuar, duke punuar me stafin tim teknik ja këtu jam në zyret komunale për komunitete, kështu që jemi në përgatitje e sipër për ta caktuar seancën e inaugurimit. Jo nuk e kemi caktuar jemi në përpjekje e sipër, stafi është duke punuar duke proceduar dokumentacionin e duhur sepse jemi këtu në përpjekje e sipër dtth për ta caktuar. Jo s’kemi ndonjë pengesë në komunën e Zubin Potokut, nuk është pengesë. Mirëpo sipas deklaratave të opinioneve kryesuesi i kuvendit Slavisha Bishevac, ka dhënë dorëheqje me pretekstin se për ta parandaluar marrjen e detyrës nga unë në këtë rast, mirëpo kjo nuk është pengesë. Dmth jemi duke e konsultu ligjin dhe do ta thërRasim së shpejti seancën, ku do të bëhet betimi në mënyrën e rregullt ligjore”, tha ai.
Kurse sa i përket ndonjë rreziku eventual që mund të ndodhë përgjatë këtij procesi, Zeqiri tha se për momentin nuk ka ndonjë parashenjë për një gjë të tillë.
“Neve nuk kemi ndonjë parashenjë për ndonjë rrezik meqenësë me këto merren organet e sigurisë, besoj që i dinë më mirë dhe në momentet e duhura natyrisht ne jemi në harmoni me gjithë faktorët relevant. Kështu që besoj që do ti shohim gjërat, besoj se do të shkojë gjithçka mirë, ne po përgatitemi për më të mirën e mundshme duke i konsultuar e aktet ligjore, ashtu siç na i ofron Republika e Kosovës. Ne jemi në proces e sipër, jemi në afatet e duhura dhe së shpejti do të vendoset edhe për mbajtjen e kuvendit”, tha ai.
Ndryshe janë bërë më shumë se katër javë qëkur janë zgjedhur kryetarët e rinjë të katër komunave veriore. Por të njëjtit ende nuk e kanë bërë betimin e tyre, i cili parashihet të kryhet në një afat 30 ditor.
Kurse ditë më parë ministri i Administrimit të Pushtetit Lokal, Elbert Krasniqi është takuar me kryetarët e rinj të katër komunave veriore me shumicë serbe.
Krasniqi ka thënë se organet e reja komunale do të konstituohen sipas ligjit./teve1.info./