Dolores Aveiro – nëna e Cristiano Ronaldos – ka reaguar ndaj pretendimeve të një media portugeze se prej disa kohësh po përpiqet të ndajë Georgina Rodriguezin dhe futbollistin legjendar.
Ajo tha e lajmet e tilla nuk janë të vërteta dhe tashmë ka angazhuar një avokat.
“Lajmi është publikuar në një gazetë të njohur portugeze, e cila po abuzon me familjen time për qëllime promovimi. Ky lajm është i rremë dhe keqdashës”, ka shkruar ajo ndër të tjera.
Aveiro tha se nuk do të heq dorë dera derisa gazetat të vërtetojnë gjithçka që botohet.
“Falënderoj ata që më ndjekin dhe më respektojnë. Lajme të tilla dhembin dhe i lënë ‘duart të lidhura’ kur bëhet fjalë për gjënë më të shtrenjtë – familjen. Nipërit e mi lexojnë dhe dëgjojnë gënjeshtrat që po përhapen. Prandaj nuk do të heq dorë derisa gazetat të vërtetojnë gjithçka që botohet”, përfundoi ajo.
Për të treguar se thashethemet për ndarjen me Georginan nuk janë të vërteta, Cristiano së fundmi ka shpërndarë një fotografi të tyre në Instagram me një mesazh të shkurtër: “Rroftë dashuria”.