Ministri i Infrastrukturës, Liburn Aliu ka njoftuar se brenda pak javëve do të hapen procedurat për hartimin e projektit për ndërtimin e urës së re në Badoc.
Përmes një postimi në Facebook, ai bëri të ditur se punimet po ecin me ritme të shpejta, përcjell teve1.info
Aliu theksoi se ura e Badocit në aksin rrugor Prishtinë – Gjilan është mbyllur përkohësisht për shkak të rrezikshmërisë në aspektin e sigurisë.
“Punimet në Bypass po ecin me ritme të shpejta, ku po punohet intensivisht në asfaltim, rrjedhimisht përmes kontratës së mirëmbajtjes investive ky Bypass do të jetë i asfaltuar dhe gati për lëvizje të automjeteve. Pas formimit të Komisionit Profesional nga MMPHI, është bërë vlerësimi se në aksin rrugor Prishtinë – Gjilan, tek ura e Badovcit, e cila njëherit përballon një fluks të lartë lëvizjeje të automjeteve, e që për shkak të rrezikshmërisë në aspektin e sigurisë, kemi marrë vendimin që këtë urë ta mbyllim përkohësisht, deri në 🚜🚧 hartimin e projektit kryesor të ndërtimit të urës së re”, ka shkruar ai.
