Interi është finalisti i parë i Ligës së Kampionëve. Interi shënoi tjetër fitore ndaj Milanit për të siguruar finalen e parë pas 13 vjetësh.
Të martën mbrëma, Interi mposhti rivalin lokal, Milanin, me rezultatin 1:0. Dhe me rezultatin e përgjithshëm 3:0, skuadra e Simone Inzaghit bëri vend në finalen e 10 qershorit në Stamboll. Në finale Interi takohet me Real Madridin apo Manchester Cityn.
Ndeshja e së martës ishte dukshëm më interesante se gjysmëfinalja e parë e rivalëve të qytetit të Milanos. Ndeshjen e parë Interi e kishte fituar 2:0.
Në pjesën e parë Milani kishte dy raste të mira shënimi. Por Brahim Diaz dhe Rafael Leao nuk realizuan. Raste kishte edhe Interi. Pjesa e parë megjithatë përfundoi pa gola.
Në pjesën e dytë Interi shënoi golin e fitores. Lautaro Martinez mori top nga rezervisti Romelu Lukaku dhe me goditje të ultë dërgo topin në rrjetë. Martinez shënoi në minutën e 74-t.
Shifrat më nuk ndryshuan dhe kështu Interi vazhdon ecurinë pozitive duke siguruar finalen evropiane.
