Të dielen në sheshin “Skenderbeu” në Prishtinë do të mbahet ceremonia e hapjes së ushtrimit më të madh ndërkombëtar ushtarak në rajonin e Ballkanit “Defender Europe ‘23”.
Ministri i Mbrojtjes, Armend Mehaj ka ftuar qytetarët të marrin pjesë në ceremoninë e hapjes.
“Ministria e Mbrojtjes e Republikës së Kosovës fton qytetarët e vendit të marrin pjesë në ceremoninë e hapjes së ushtrimit më të madh ndërkombëtar ushtarak në rajonin e Ballkanit, “Defender Europe’23”. Ky aktivitet ndërkombëtar do të mbahet të dielën, më 21 maj, në sheshin “Skënderbeu” në Prishtinë”, ka shkruar Mehaj në Facebook./teve1.info./
