Drejtoria e Inspekcionit në komunën e Prishtinës, ka bërë të ditur se sot ka filluar të bëjë rrënimin e një objekti i cili, kishte filluar të ndërtohet pa leje në lagjen ‘Tophane’ në Prishtinë.
Në njoftim thuhet se, inspektorati i ndërtimit ka ndërmarrë hapat e paraparë ligjor duke e urdhëruar palën që të ndërprespunimet dhe të bëjë largimin e objektit, raporton teve1.info
“Pala kishte filluar së ndërtuari objekt pa lejen përkatëse nga organet kompetente me dimensione të përafërta ~ 13,00m x 18,00. Inspektorati i ndërtimit ka ndërmarrë të gjithë hapat e parapara ligjore duke urdhëruar palën me aktvendim të ndërpresë punët ndërtimore dhe të bëjë largimin e objektit pa leje ndërtimore”, thuhet në njoftim.
Ndër të tjerash, është bërë e ditur se pala nuk e ka respektuar urdhrin e inspektoratit, sepse sipas tyre, kanë vazhduar punimet, teksa kanë njoftuar se për rrënimin e objektit kanë qenë të detyruar ta marrin sot këtë aksion.
