I dërguari special i Bashkimit Evropian për dialogun Kosovë-Serbi, Miroslav Lajçak, deklaroi se është i shqetësuar me ato që i ka dëgjuar të enjten, në takim me përfaqësues serbë në veri të vendit.
Ai në Twitter tha vizita e tij në veri të vendit ishte e rëndësishme për të tu njohur me situatën aktuale atje.
“Për mua ishte e rëndësishme të vizitoja përsëri veriun e Kosovës dhe të bisedoja me bashkëbisedues të ndryshëm në mënyrë që të fitoja përshtypjen time të drejtpërdrejtë për situatën aktuale. Ajo që dëgjova më shqetësoi. Ne duhet të shmangim çdo mundësi përshkallëzimi dhe të përqendrohemi plotësisht te normalizimi“, tha ai.
Ndryshe emisari i Bashkimit Evropian për dialogun Kosovë – Serbi, Miroslav Lajçak gjatë ditës u takua edhe me kryeministrin e vendit Albin Kurti dhe me kryetarin e Mitrovicës së Jugut, Bedri Hamza.
Ai pas takimit të zhvilluar me Kurtin tha se vëmendja e palëve në dialog duhet të jetë plotësisht në normalizim dhe implementim të marrëveshjeve të Brukselit dhe aneksit të Ohrit
Lajçak ka paralajmëruar edhe një takim me zëvendëskryeministrin e Kosovës, Besnik Bislimi dhe drejtorin e të ashtuquajturës zyrë për Kosovën në Qeverinë e Serbisë, Petar Petkoviq, të hënën.
Lajçak ka paralajmëruar se të premten do të qëndron në Beograd./teve1.info./
It was important for me to again visit the north of Kosovo and talk to different interlocutors in order to get my own firsthand impression of the current situation. What I heard left me worried. We need to avoid any possibility of escalation and fully focus on normalisation. pic.twitter.com/2opeOAKsgc
— Miroslav Lajčák (@MiroslavLajcak) May 11, 2023