Ndryshe prej serbëve në Kosovë vazhdojnë të trajtohen shqiptarët në Serbi. Megjithëse, kryeministri i Kosovës Albin Kurti, me anë të gjashtë kushteve për Asociacionin, tentoi të vendos një reciprocitet për të drejtat e pakicave në Kosovë dhe Serbi, nuk mori përkrahje. Deputeti shqiptar në Serbi thotë kjo çështje ka qenë në tavolinën e bisedimeve mirëpo është anashkaluar edhe nga bashkësia ndërkombëtare.
Çështja e shqiptarëve në Serbi ende nuk është në agjendën e bisedimeve të Brukselit.
Madje, ambasadori amerikan në Beograd, Christopher Hill, kishte thënë që zgjidhja e kësaj çështje nuk është as qëllimi i këtij dialogu.
Mirëpo, kryeministri i Kosovës Albin Kurti me anë të gjashtë kushteve për Asociacionin, tentoi të vendos një reciprocitet për të drejtat e pakicave si në Kosovë ashtu edhe në Serbi.
E sipas deputetit shqiptar në parlamentin e Serbisë, Shaip Kamberi këto tema janë të shtruara në tavolinën e bisedimeve.
Por, Kamberi thotë se përveç Serbisë, anashkalim të shqiptarëve ka edhe nga bashkësia ndërkombëtare.
E për këtë ide të kryeministrit Kurti, ndryshe mendon kryetari i Luginës së Preshevës.
Shqiprim Arifi thotë se kjo ide ishte më shumë si eksperiment për shqiptarët në këto anë.
Ndryshe nga Lugina e Preshevës, presion më të madh në tavolinën e bisedimeve ka për serbët që jetojnë në katër komunaT veriore në Kosovë.
Kronika e gazetares Fetije Kamberi
