Kryeministri Albin Kurti ka shkruar se Kosova është më afër dhe rrugës për në Bashkimin Evropian teksa ka shtuar se këtë vit kemi edhe më shumë arsye për të shënuar Ditën e Evropës.
“Në dhjetorin e vitit që e lamë pas dorëzuam aplikimin për anëtarësim në Bashkimin Evropian. Muajin e kaluar u nënshkrua vendimi për liberalizimin e vizave, ndërkaq në fund të prillit kaluam me sukses fazën e parë të anëtarësimit në Këshillin e Evropës”.
Duke cituar fjalët e ‘arkitektit’ të BE-së, Robert Schuman, Kurti ka shkruar se BE është projekti më i madh politik dhe procesi më i rëndësishëm historik i paqes dhe prosperitetit që nga lufta e dytë botërore.
“Është ideja e bashkëpunimit përmes institucioneve të përbashkëta që krijoi tregun unik dhe e bëri BE-në ekonominë më të madhe të botës”, ka shkruar kryeministri në Facebook.
