Babai i Lionel Messit dhe njëherit agjenti i tij, Jorge ka reaguar pas lajmeve se ylli argjentinas do ta vazhdojë karrierën në Arabinë Saudite, pasi ka marrëveshje me klubin Al-Hilal.
Nëpërmjet një komunikate, Jorge ka mohuar të gjitha këto lajme, duke insistuar se sulmuesi 35-vjeçar ende nuk e ka marrë asnjë vendim për të ardhmen e tij. Ai ka insistuar se Leo do të marrë vendim për të ardhmen e tij me të përfunduar edicioni aktual.
“Nuk ka absolutisht asgjë të rënë dakord me asnjë klub për sezonin e ardhshëm. Ne do të vendosim në fund të sezonit. Asnjëherë nuk do të vendoset para fundit të sezonit aktual me Paris Saint-Germainin”, ka shkruar Jorge Messi.
“Emri i Leos përdoret gjithmonë përreth, por ne mund të garantojmë se nuk ka asgjë të nënshkruar, rënë dakord apo edhe verbalisht dhe nuk do të ndodhë para fundit të sezonit. Është plot me lajme të rreme përreth pa asnjë provë se çfarë thonë këto ‘media’ në publik”. Messi prej vitit 2021 është pjesë e Parisit, ekip më të cilin ka kontratë deri në fund të këtij edicioni.