Zëvëndëskryeminsitri i Kosovës, Besnik Bislimi ka thënë se në Ditën e Evropës si Qeveri riafirmojnë projektimin e Kosovës drejt integrimit në Bashkimin Evropian dhe përqafimin të vlerave evropiane.
Përmes një postimi në Facebook, Bislimi theksoi se gjatë vitit të fundit, Kosova ka bërë hapa të rëndësishsëm në rrugëtimin e integrimit evropian, shkruan teve1.info
Sipas tij, Kosova hap pas hapi po i afrohet Bashkimit Evropian.
“Vetëm gjatë vitit të fundit, kemi bërë hapa të rëndësishëm në rrugëtimin e integrimit evropian si: votimi i parë pozitiv në fazat drejt anëtarësimit në Këshillin e Evropës, përmbyllja e procesit të liberalizimit të vizave, aplikimi për anëtarësim në Bashkimin Evropian dhe avancimi e zbatimi i reformave të agjendës evropiane”, ka thënë Bislimi.
“Hap pas hapi, Kosova po i afrohet Bashkimit Evropian. Vendi ynë gjendet në një trajektore të vendosur në rrugën drejt BE-së, në një proces të pakthyeshëm”, shtoi ai.