Deputetja e Vetëvendosjes, Arbëreshë Kryeziu-Kryeziu vlerëson se shkarkimi i Ekipit Menaxhues për draftimin e statutit të Asociacionit të komunave me shumicë serbe nuk përbën shkelje të marrëveshjes me Serbisë.
Sipas saj, po të mos shkarkohej Ekipi Menaxhues do të gjente forma tjera për ta vazhduar mandatin
“Për mua kjo nuk është shkelje e marrëveshjes sepse në momentin kur grupi menaxhues është krijuar, është krijuar me atë se do të ekzistojë si i tillë deri në momentin kur do ta prezantojë draftin para niveleve të larta politike të të dyja shteteve. Në momentin kur e prezanton draftin, nuk ka më kompetenca. Ky grup nuk ka më funksion”, ka thënë ajo.
“Sigurisht është shkarkuar, sepse po të mos merrej vendimi për t’u shkarkuar, besoj se ata do të provonin të gjenin mënyrë të tjera për ta vazhduar mandatin e tyre dhe meqë jemi te ky grup menaxhues pra nëpërmjet draftin të cilin ata e kanë paraqitur, interesi i tyre s’ka qenë për t’i ndihmuar zgjidhjes së çështjes dhe çuarjes drejt normalizimit të raporteve, përkundrazi kanë tensionuar dhe acaruar edhe më shumë raportet mes të dyja vendeve”, ka deklaruar Kryeziu-Hyseni në Respublika në Tëvë 1.
Duke folur për draftin e propozuar nga ekipi, deputetja thotë se ai shkon përtej kompetencave të komunave.
“Dokumenti që ka nxjerrë ky grup menaxhues që udhëhiqej nga një deputete e Serbisë mund të jetë gjithçka tjetër por jo një draft që i kontribuon normalizimit dhe aq më tepër jo një draft që është në pëërputhje me Kushtetutën. Pra po flasim për një draft që nuk i kalon kompetencat e komunave, por shkon edhe përtej këtyre kompetencave. Sigurisht që është e papranueshme dhe e patolerueshme”, shtoi ajo.
Sipas Kryeziu-Hysenit Kosova në takimin e 2 majit prezantoi 5 kritere, pa plotësimin e të cilave nuk do të pranohej drafti.
Ne i kemi vendosur disa kritere, para se ky ekip të bënte prezantimin e këtij drafti, për për të cilat kritere ka qenë e informuar edhe pala ndërmjetësuese.
“Ne kemi thënë, po nuk u përmbushën këto 5 kritere, nuk do të ketë diskutim për këtë draft, ky draft do të bie poshtë dhe do të kalojë mundësia një pale tjetër që të sjellë një dokument alternative. Ne dorëzuam draft-vizionin dyfaqësh të kryeministrit Kurti”, shtoi tutje ajo.