Fondi sovran është në prag të themelimit pas më shumë se dy vjet qeverisjeje nga kryeministri Albin Kurti.
Kështu të paktën paralajmëron vet shefi i Qeverisë, i cili krijimin e këtij fondi e sheh si bazë të qëndrueshme për zhvillimin e ekonomisë së Kosovës.
Por komente për këtë Fond nuk ka ministrja e Industrisë, Ndërmarrësisë dhe Tregtisë, Rozeta Hajdari Hajdari nuk deshi të prononcohej rreth Fondit Sovran më arsyetimin që nuk ishte pjesë e konferencës të se dielës kur u diskutua për këtë çështje.
Ndryshe prej saj, ish ministri i Financave, Haki Shatri, konsideron se funksionimi i këtij Fondi është i pamundur gjatë mandatit të kësaj qeverie.
Madje, sipas tij, ky Fond nuk do të sjellë zhvillim ekonomik Kosovës.
Krijimin e Fondit Sovran në Kosovë e sheh të padobishëm edhe eksperti i çështjeve ekonomike, Safet Gërxhaliu.
Për këtë, Gërxhaliu kërkon që të bëhet një analizë më ekspertë vendor të cilët janë të vetëdijshëm për gjendjen e ndërmarrjeve në Kosovë.
Fondi Sovran në bazë të projektligjit i cili ka qenë në diskutim publik deri më datën 2 prill, parasheh edhe themelimin e ndërmarrjeve të reja dhe investimet në tregjet financiare brenda dhe jashtë vendit.
Kronika e gazetares Doresa Geci.