Në takimin e 2 majit të nivelit të lartë në kryeqendrën evropiane, palët kanë shprehur qëndrime të kundërta në lidhje me dokumentin e prezantuar në themelimin e asociacionit.
Sipas kryeministrit kosovar, Albin Kurti, draft statuti i paraqitur nga ekipi menaxhues, i përbërë nga katër pjesëtarë të komunitetit serb, është në kundërshtim me Kushtetutën e Kosovës.
Megjithatë, njohës të fushës shprehen se pa përparim në këtë pikë nuk mund të ketë përparim as në çështjet tjera në dialogun mes Kosovës dhe Serbisë për normalizimin e marrëdhënieve.
Njohësi i procesit të dialogut, Visar Xani vlerëson dokumenti i prezantuar nga ekipi menaxhues- tashmë i shkarkuar, është në favor të Serbisë.
“Është një kalkulim politik i Serbisë i mirë, që me pru një draft të vetin dhe një në favor të Kosovës dhe me qëllim të bëhet një lloj mishnimi i të dy drafteve dhe të kemi një produkt tjetër i cili është një produkt kompromisi dhe kjo e tejkalon pritshmërinë se do të kemi një draft statut të arritur sipas marrëveshjeve të arritura në Bruksel në 2013-2015 dhe sipas Gjykatës Kushtetuese”, tha Xani.
Tutje, ai thekson nevojën e dakordimit, në mënyrë që të mos penalizohen proceset tjera.
“Po që se kemi komplikim të zbatimit të marrëveshjeve sigurisht që do të kemi edhe ndalesa dhe të paktën suspendim të ecjes përpara në mekanizma ndërkombëtarë e rajonal”, shtoi ai.
Megjithatë, ecurinë e zbatimit të marrëveshjes nga ana e Kosovës, profesori universitar Seb Bytyçi e cilëson si të duhur.
“Ka një strategji nga ana e Kosovës që të ketë zbatim të njëkohshëm të pikave dhe si duket ka mirëkuptim për këtë strategji edhe në Bruksel, pra të mos ngutet njëra palë të implementoi një pikë pa implementuar ndonjë pikë edhe pala tjetër”, vlersësoi Xani.
Gjatë muajit maj ëshë thënë se do të ketë një takim mes dy kryenegociatorëve, Bislimi dhe Petkoviç në kuadër të dialogut, megjitëse ende nuk është është përcaktuar zyrtarisht ndonjë datë.
Kronika e gazetares Valëza Sylejmani.