Kryeministri i Kosovës, Albin Kurti në hapje të Forumit Ekonomik të Vjenës i cili këtë vit po mbahet në Prishtinë për herë të parë, duke folur për disa nga masat që ka marrë Qeveria e Kosovës për tejkalimin e krizës ekonomike ka thënë se shifrat tregojnë se jemi në rrugën e duhur.
Kurti ka përmendur disa aksione të Policië në luftën kundër krimit të organizuar dhe si shtesat për fëmijët e nënat e reja.
Ai ka folur edhe për ndihmën e ndaj studentëve si dhe lanësimin e “Supër Punës”, përmes së cilës janë punësuar afër 2 mijë persona për një muaj.
“Shifrat kanë treguar se jemi në rrugën e duhur. Në dy vitet e para në qeveri, të ardhurat tona nga taksat janë rritur me 66%, dhe investimet tona të huaja direkte janë dyfishuar. Mesatarisht, gjatë çdo viti të qeverisjes sonë, ne kemi gjeneruar më shumë të ardhura për ekonominë tonë sesa në tre vitet e mëparshme së bashku. Në të njëjtën kohë, renditjet e organizatave të respektuara ndërkombëtare kanë konfirmuar përparimin tonë të rëndësishëm në fushat e demokracisë dhe shtetit të së drejtës. Ne kemi forcuar gjithashtu urat tona me fqinjët tanë të Ballkanit Perëndimor”, ka thënë Kurti në fjalimin e tij, thuhet në komunikatën e Qeverisë, percjell teve1.info
Ai ka përmedur edhe marrëveshjen e fundit me FMN-në.
“Teksa përmend arritjet e së shkuarës, jam edhe më entuziast për ato të së ardhmes. Ne po shohim vite ambicioze dhe të gjelbra përpara. Një marrëveshje e fundit me FMN-në na jep 80 milion € fillestare për ndërtimin e kapaciteteve të energjisë së rinovueshme dhe diellore, me mundësinë e 80 milion € të tjera. Dhe strategjia jonë e energjisë 2022-2031, ne parashikojmë për më pak se 10 vjet më shumë se 1300 MWh të gjeneruara nga burimet e rinovueshme”, tha Kurti.
Në këtë ngjarje, kryeministri Kurti, në emër të Republikës së Kosovës, në 15-vjetorin e Kosovës në këtë forum, pranoi çmimin nga Forumi Ekonomik i Vjenës për bashkëpunim dhe kontribut të shkëlqyeshëm në sjelljen ekonomike të nivelit nacional dhe rajonal, çmimi ky që u dorëzua nga Presidenti i Forumit Ekonomik, Ambasadori Victor Jackovich./teve1.info/
