Kryetari i Partisë Demokratike të Kosovës, Memli Krasniqi ka thënë se Qeveria e Kosovës ka vendosur ta kalojë mandatin pa ndonjë investim të madh që përmirëson jetën e qytetarëve.
Ai të dielën në Facebook ka përmendur vetëm nderimin e një urë në Saradan të Istogut.
“Qeveria e cila është zgjedhur për të punuar, me përjashtim të urës 3-metërshe në Saradran të Istogut, ka vendosur ta kaloj mandatin e saj pa asnjë projekt që përmirëson konkretisht dhe denjësisht jetën e qytetarëve tanë”, ka shkruar Krasniqi të dielën në Facebook.
Ai këto komente i ka bërë duke krahasuar punën e ekzekutivit të Kosovës me atë të Maqedonisë Veriore, e cila ka nisur ndërtimin e korridorit 8 në Maqedoni të Veriut – autostradës që pritet të lidhë vendbanimet shqiptare prej Tetovës, Gostivarit, Kërçovës, Bokujçanit, Strugës e deri në Qafëthanë.
Ai ka përgëzuar për këtë projekt kryetarin e BDI-së, Ali Ahmeti, por edhe Zëvendës Kryeministrin Artan Grubi./teve1.info/