Policia e Kosovës ka njoftuar për një tentim vrasje, e cila ka ndodhur mbrëmë, në Mamushë të Prizrenit.
Dhjetë persona janë rrahur mes vete, ku kanë përdorur mjete të forta si dhe armë zjarri, me ç’rast një i dyshuar nga arma ka pësuar lëndime në këmbë.
Lidhur me rastin, Policia ka arrestuar gjashtë të dyshuar, të cilët me vendim të prokurorit janë dërguar në mbajtje, përveç të dyshuarit i cili është në tretman mjekësor.
Sipas PK-së, ky rast është ende duke u hetuar.
“TENTIM VRASJE, Mamushë, Prizren, 06.05.2023 – 20:00. Ka ndodhë një rrahje në mes të dhjetë personave meshkuj. Gjatë rrahjes janë përdorë mjete të forta si dhe armë zjarri, si pasojë një i dyshuar mashkull ka pësuar lëndime nga arma në këmbë. Janë arrestuar gjashtë të dyshuar të cilët me vendim të prokurorit janë dërguar në mbajtje përveç të dyshuarit i cili është në tretman mjekësor. Rasti është duke u hetuar”.
