Një person ka deklaruar në Policinë e Kosovën se derisa ka qenë duke e hapur një kanal ka vërejtur mjete të dyshimta.
Lidhur me këtë rast, njësia policore për dominim dhe FSK-ja kanë dalë në vendin e ngjarjes, ku kanë gjetur dy tromblon, një zolë, dy kallashnikov, gjashtë granata dore, pesë karikatorë dhe një sasi municion.
Ngjarja ka ndodhur mesditën e djeshme në lagjen “Grackë e vjetër” të Lipjanit.
Në raportin 24-orësh të Policisë së Kosovës, thuhet se njësitet kompetente kanë ndërmarrë veprimet e nevojshme për dominim dhe evitim të rrezikut.
“GJETJE E MJETIT SHPËRTHYES, Grackë e vjetër, Lipjan, 06.05.2023 -13:40. Ankuesi mashkull kosovar, ka njoftuar se deri sa ka qenë duke hapur një kanal i ka vërejtur dy mjete të dyshuara. Si dhe disa mjete të tjera. Lidhur me rastin janë njoftuar njësitë policore për deminim dhe FSK-ja të cilët në vendin e ngjarjes kanë gjetur dy tromblon, një zolë dy kallashnikov, gjashtë granata dore, pesë karikatorë dhe një sasi municion. Njësitet kompetente kanë ndërmarr veprimet e nevojshme për deminim dhe evitim të rrezikut”, thuhet në raport. /teve1.info/
