“Unë e dua popullin rus. Prandaj më duhet t’ju them të vërtetën. Ju lutemi shikoni dhe shpërndajeni” ka shkruar Schwarzenegger në videon e postuar në Twitter, transmeton teve1.info.
Në video aktori ka përshkruar historinë e tij me Rusinë, pikëpamjet mbi konfliktin dhe për nevojën që të ndalet pushtimi rusë.
Ai në fund të videos, iu drejtua presidentit rus me fjalët: “President Putin, ju e nisët këtë luftë. Ju jeni duke e udhëhequr këtë luftë dhe ju mund ta ndaloni këtë luftë”.
Arnold Schwarzenegge tashmë në moshën74-vjeçare, deklaroi se një pjesë e qëllimit të xhirimit të videos ishte përpjekja për t’i bërë ushtarët rusë më të vetëdijshëm për rrethanat rreth konfliktit.
Ai gjatë videos foli edhe për paragjykimet e babait të tij ndaj Rusisë për shkak të përvojave të tij gjatë Luftës së Dytë Botërore.
Babai i Schwarzenegger, Gustav, ishte nazist dhe shërbeu në luftë derisa u plagos gjatë pushtimit të Rusisë në 1942.
Në video, i njëjti thotë se i ka kaluar paragjykimet anti-ruse të babait të tij, sepse kombësia e një personi nuk është e rëndësishme për të.
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022