Agjencia për Informim dhe Privatësi, sot i ka shqiptuar gjobë Komunës së Fushë-Kosovës, konkretisht kryetarit Burim Berisha në vlerë prej 4.000 euro për kufizim të qasjes në dokumente publike.
Kështu ka bërë të ditur asamblisti i Lëvizjes Vetëvendosje, Vlonjat Hasani.
Përmes një postimi në Facebook, Hasani ka njoftuar se ka dërguar për qasje në dokumente publike për një konkurs në Arsim, por komuna nuk ia ka ofruar qasjen, përcjell teve1.info.
“Komuna e Fushë-Kosovës i prin listës së “komunave dembele duke mos bërë pothuajse asnjë punë për qytetarët, realizimin e investimeve kapitale e ka bërë vetëm 26%, ‘nepotizmi’ dhe punësimi në institucione publike ndodh vetëm nëse i ‘përmbushë egot politike të subjektit që e udhëheqë Komunën”, thuhet në postimin e Hasanit.
Sipas tij, ata vazhdojnë të shkelin ligje, të thyejnë rregulla e rregullore, e të mohojnë qasje në dokumentet publike për qytetarët.
“Krejt kjo për t’i pamundësuar opinionit informimin për punët e dyshimta dhe të dëmshme që ata i bëjnë…!!! Agjencia për Informim dhe Privatësi, sot i ka shqiptuar gjobë Komunës, konkretisht Kryetarit Burim Berisha në vlerë prej 4.000€ për kufizim të qasjes në dokumente publike për kërkesat që i kam drejtuar Komunës”, thuhet tutje./teve1.info/.
