Për krimet serbe në luftën e fundit në Kosovë, tanimë ka filluar një ndjekje penale tjetër.
Dy aktakuza në mungesë, veçse janë ngritur nga Prokuroria Speciale.
Sipas saj, propozimi që gjykimi të mbahet në mungesë të të akuzuarve, vjen pas shterimit të të gjitha përpjekjeve për ta gjetur të akuzuarin.
“Prokuroria Speciale njofton se i akuzuar Ç.A. në periudhën kohore janar – maj 1999, duke bashkëvepruar me një grup njerëzish kriminal (tani për tani të pa identifikuar), të organizuar, të veshur me uniforma policore, paramilitare, ushtarake, ka kryer veprën penale ‘’Krimi i luftës kundër popullsisë civile’’, thuhet në njoftimin e Prokurorisë Speciale.
Një gjykim të tillë, si sfidues për sistemin e drejtësisë, e parasheh Amer Alija nga Fondi për të drejtën Humanitare.
E nga Këshilli koordinues i familjarëve të të pagjeturve, konsiderojnë se gjykimi pa praninë e të akuzuarit nuk e ka efektin e duhur për dënimin e krimeve të luftës.
Në vitin 2021 u votua Kodi i ri i procedurës penale, i cili parasheh edhe gjykimin në mungesë të krimeve të luftës.
Kronika e gazetares Florijeta Dernjani.