14 shkurti i vitit 2021 prodhoi atë që nuk kishte ndodhur asnjëherë paslufte në Kosovë.
Një parti e vetme mori hi më pak se 50.2% të votave të qytetarëve të vendit.
Nga ky rezultat zgjedhor u mendua se tashmë vendi do ta ketë një qeveri shumë më efikase në vendimmarrje se që ishin ato të kaluarat.
Mirëpo, sipas matjeve të monitoruesve të institucioneve vendore, pushteti aktual alon shumë sa i përket efikasitetit në miratimin e ligjeve në Kuvendin e Kosovës.
Sipas tyre, kjo po ndodhë për shkak të ndryshimeve që ndodhën brenda Lëvizjes Vetëvendosje – si parti fituese e zgjedhjeve të fundit.
Tashmë tre deputetë janë larguar nga Grupi Parlamentar i VV-së.
Doarsa Kica – Xhelili, Fatmir Humolli dhe Haki Abazi, i ndanë rrugët me partinë e udhëhequr nga kryeministri Albin Kurti.
E kjo po shkakton mungesë të kuorumit dhe vendimeve gjatë seancave të Kuvendit.
Për njohësin e çështjeve politike, Lavdim Hamidi, qeverisja aktuale është dëshmi që jo doemos votat e shumta mund të prodhojnë një qeveri të fortë.
Madje, ai paralajmëron edhe largime tjera.
Mirëpo, një arsyetim tjetër kanë nga Lëvizja Vetëvendosje.
I pakënaqur me deputetët e Vetëvendosjes, u shpreh edhe njëri nga figurat kryesore të kësaj partie – kryetari i Kuvendit, Glauk Konjufca.
Grupi parlamentar i Lëvizjes Vetëvendosje bashkë me partitë e pakicave, në fillim të mandatit kishte 64 deputetë në Kuvend. Mirëpo, tani numërojnë vetëm 61 sosh.
Kronika e gazetarit Arton Rama.