Një nxënës dhe një mësues kanë mbetur të plagosur në gjimnazin “Ruđer Boshkoviq” në Beograd.
Media serbe raportojnë se viktimat janë plagosur me thikë nga një ish-nxënëse e këtij gjimnazi.
Një ditë më parë, 14- vjeçari K.K. vrau tetë nxënës dhe një punonjës të sigurimit në shkollën fillore “Vladislav Ribnikar”, si dhe plagosi gjashtë nxënës dhe një mësues.
Ai aktualisht ndodhet në Klinikën për Neurologji dhe Psikiatri për Fëmijë dhe të Rinj në Beograd, ndërsa avokatja e familjes, Irina Boroviq tha se pas mesnate është intervistuar nga këshilli i mjekëve dhe se ekzaminimet e mëtejshme do të vazhdojnë në ditët në vijim.