Një person është plagosur sot me armë zjarri në një lokal në Prishtinë.
Rastin për teve1.info e ka konfirmuar zëdhënësja e policisë për Prishtinë, Flora Ahmeti, e cila tha se personi i lënduar është dërguar për trajtim mjekësor.
“Sot rreth orës 00:15 kemi marrë informatën se në një lokal në rrugën “Ahmet Krasniqi” në Prishtinë, një person është plagosur nga arma e zjarrit. Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti. Personi i lënduar është dërguar për trajtim mjekësor”.
Tutje, Ahmeti tha se policia është duke punuar për arrestimin e personit të dyshuar, i cili është identifikuar dhe aktualisht ndodhet në arrati.
