“Bebe” titullohet albumi i saj më i fundit, i cili ka dalë në shitje këto ditë dhe po korr mjaft sukses.
E teksa po i gëzohet suksesit të albumit të tretë në karrierën e saj, Bebe Rexha në një intervistë të fundit ka treguar se si gjeti frymëzim në vitet ’70 për finalizimin e tij.
“Unë thjesht po përpiqesha të shkruaja tekste dhe të kompozoja këngë që më pëlqenin. Doja ta quaja albumin ‘Bebe’ sepse mendoj se është koha që njerëzit të mësojnë se kush jam dhe të mësojnë më shumë për mua dhe historinë time. Është koha”, tha ajo.
Ajo ka folur edhe për të dashurin e saj, drejtorin e kinematografisë Keyan Safyari, me të cilin është në lidhje tash e më shumë se tri vite.
“I dashuri im është kaq mbështetës. Ai është aq i ëmbël, saqë kur e sheh që jam e mërzitur, përpiqet të më nxjerrë për darkë ose në ndonjë takim, edhe pse vërtet nuk më pëlqen të dal nga shtëpia, të them të drejtën, sepse nuk e dua këtë gjë. Ai gjithmonë përpiqet të më ngrejë lartë. Ai gjithmonë përpiqet të vijë në shfaqjet e mia, dhe punon si kineast dhe regjisor, kështu që sa herë që kam nevojë për këshilla kur xhiroj një klip, ai është gjithmonë pranë. Ai gjithmonë më jep kontributin e tij dhe unë e dua vërtet për këtë”, tha Bebe Rexha.
