Policia ka hasur në një lokal në rrugën “Ali Ajeti” në Podujevë, veprimtari të organizimit të skemave piramidale dhe bixhozit të paligjshëm.
Organet e rendit kanë gjetur dhe sekuestruar aty pajisje: kompjuter – shtëpiza të cilat shërbenin për veprimtarinë e lojërave të fatit (bixhozit).
Lidhur me këtë rast policia ka arrestuar e më pas liruar në procedurë të rregullt një person.
“Në bazë të urdhëresës së lëshuar nga gjykata është bërë kontrolli i një lokali në të cilin janë gjetur dhe sekuestruar pajisje: kompjuter – shtëpiza të cilat shërbenin për veprimtarin e lojërave të fatit (bixhozit). Lidhur me rastin është arrestuar një i dyshuar mashkull kosovar, i cili pas intervistimit me vendim të prokurorit lirohet në procedurë të rregullt.”, thuhet në njoftimin e PK-së.