Nga Rugova erdhën në Prishtinë për t’i shprehur pakënaqësitë që kanë.
Me qëllim të ruajtjes së rendit, para Ministrisë së Mjedisit dolën pjesëtarët e Policisë së Kosovës.
Këtu banorët e fshatit Stankaj adresuan disa kërkesa esenciale për ta.
“Shpërngulja është masovike për shkak jo kushteve për jetesë, tash na ndërpritet edhe uji, do të thotë aty s’ka, na duhet fshatin me lëshu”, tha Jashar Lulaj, banor i fshatit Stanaj.
Sipas banorëve, nga rreth 200 shtëpi, vetëm 20 prej tyre kanë ujë të pijshëm.
Ndërkaq shkaku i burimit, banorët e këtij fshati po ballafaqohen edhe me probleme të tjera.
“Janë nja 20 shtëpi që kem, por tjerat nuk kem. Edhe për ata jem shpërngulur. E kem një udhë diku 2 km, shkaku i ujit nuk bëjnë intervenime komuna në të. Krejt Rugova është asfaltuar, ne jo, veç shkaku i ujit”, tha Mustafë Lulaj, banor i fshatit Stanaj.
Megjithatë nuk vonoi shumë dhe përfaqësuesit e këtij fshati morën përgjigje nga Ministria e Mjedisit.
Pas kësaj përgjigjeje, rugovasit u shpërndanë. Protesta kaloi qetë dhe pa incidente.
Kronika e gazetares Albiona Hajdari.