Policia e Kosovës ka arrestuar dy persona të dyshuar për vrasjen që ka ndodhë me datën 26.03.2023 në fshatin Dumnicë të Podujevës.
Policia ka njoftuar se me vendim të prokurorit të shtetit, të dyshuarit janë dërguar në mbajtje për 48 orë, përcjell teve1.info.
“Arrestohen dy persona të dyshuar për vrasje. Sot nga njësiti i hetimeve të Përgjithshme të rajonit të Prishtinës, janë arrestuar dy persona të dyshuar për veprën vrasje , që ka ndodhë me datën 26.03.2023, në fshatin Dumnicë të Podujevës. Personat e dyshuar: B.S, mashkull 35 vjeç, shtetas i Republikës së Kosovës dhe I.S, mashkull 22 vjeç, shtetas i Republikës së Kosovës. Pas intervistimit me vendim të prokurorit të shtetit, janë dërguar në qendrën e mbajtjes për 48 orë, ndërkohë që hetuesit po kryejnë procedurat e nevojshme para se rasti të procedohet tutje”, thuhet në njoftimin e Policisë në Facebook.
