Kryeministri i Kosovës, Albin Kurti, e ka cilësuar thelbësisht të papranueshëm draft-statutin e asociacionit.
Ai tregoi se para ndërmjetësve ka prezantuar një draft-vizion për asociacionin, për të cilin tha se është frymëzuar në modelin kroat për normalizimin e marrëdhënieve, Kroaci – Serbi.
Këtë kërkesë të kryeministrit Kurti, e cilëson si të vonuar Enver Hoxhaj nga Partia Demokratike e Kosovës.
Për këtë çështje, kreu i Aleancës për Ardhmërinë e Kosovës, Ramush Haradinaj, tha se modeli i vetëm i vlefshëm për Kosovën është ai i bazuar në Kushtetutë.
Në emisionin Info Nata, në tëvë1 Lutfi Haziri nga LDK, ka thënë se modeli kroat nuk mund të merret për bazë.
Asociacioni në Kroaci është një organ politik e këshillues, që ka kompetenca në vetë-menaxhimin e të drejtave të serbëve në çështjen e identitetit, kulturës, integrimit në shoqërinë kroate, etj.
Kronika e gazetarit Valmir Gallopeni.