Presidentja e Kosovës, Vjosa Osmani ka ngushëlluar familjarët e nxënësve të vrarë të mërkurën në një shkollë në Beograd.
Përmes një postimi në Twitter ajo ka thënë se nuk ka asgjë më të dhimbshme se humbja e jetës së fëmijëve.
“Nuk ka asgjë më të vlefshme se jeta e një fëmije dhe asgjë më e dhimbshme se humbja e asaj jete. I dërgoj ngushëllimet e mia më të thella të gjithë prindërve që humbën fëmijët e tyre në një sulm të tmerrshëm në shkollë sot në Beograd dhe lutemi për shërim të shpejtë për të gjithë të plagosurit”, ka shkruar Osmani.
Tetë fëmijë një rojë shkolle janë vrarë në Beograd, kur një nxënës i një shkolle kreu një sulm me armë zjarri.
Është raportuar edhe për disa të plagosur./teve1.info/
There’s nothing more valuable than the life of a child and nothing more painful than the loss of that life. I send my deepest condolences to all parents who lost their children in a horrible school shooting today in Belgrade and we pray for a speedy recovery to all those injured.
— Vjosa Osmani (@VjosaOsmaniPRKS) May 3, 2023