Presidentja Vjosa Osmani, në Ditën Ndërkombëtare të Lirisë së Shtypit, ka thënë se liria e medias nuk është vetëm një shenjë e një shoqërie të shëndetshme por ajo është një shtyllë e një demokracie të lulëzuar.
Osmani ka shkruar se si institucion janë të angazhuar “për të mbrojtur rolin e paçmuar të medias së lirë dhe të paanshme”.
“Sot, në Ditën Botërore të Lirisë së Shtypit, ne festojmë sukseset e vazhdueshme të Kosovës në indekset ndërkombëtare, por gjithashtu përsërisim angazhimin tonë për të mbrojtur rolin e paçmuar të medias së lirë dhe të paanshme”, ka shkruar Osmani në Twitter.
