Nënkryetari i LDK-së, Lutfi Haziri ka thënë se Danijela Vujiçiq, kryetarja e ekipit menaxhues për hartimin e statutit të Asociacionit, nuk do të duhej t’i jepej leja për ta bërë këtë punë.
Kjo pasi që sipas Haziri, Qeveria e kishte mandat që ta ndryshonte përbërjen e ekipit menaxhues për Asociacionin.
“Ajo [Danijela Vujiçiq] është bë deputete më vonë, pasi që është emëruae. Kjo Qeveri ka pasur mandat ta negocioj përbërjen e re të ekipit. Në vend që mtë merret me përbërjen e re, të thotë për ne termat nuk e lejojnë që deputeten e një Kuvendi tjetër të punojë dokumente të rëndësishme për popullatën serbe në Kosovë si pakicë, njerëzit që kanë mandat e pasaportë tjetër dhe që ne mund ta rishikojmë me negociata përbërjen e ekipit. Dhe të merret në mënyrë aktive, përkundrazi”, ka thënë Haziri.
“Nuk e dimë përbërjen. E pse e dite përbërjen që katër kryetarët e komunave janë pjesë e ekipit menaxhues. Organizove zgjedhje për të ndryshuar strukturën e ekipit menaxhues. Nuk po flas si qytetar i Kosovës, por si ndërkombëtar”, tha ai tutje në Info Nata në Tëvë 1.
Sipas tij ekipit menaxhues do të duhej t’i diktoheshin termat e punës nga Qeveria.
“Autorizimet për draftim i ka ai ekip menaxhues. Por ato autorizime jepen sipas termave të punës jo sipas listës së dëshirave. I thua ekipit menaxhues, këto janë termat e punës, urdhëro. Nën 1, i ki parimet e marrëveshjes së 2015, nuk mund ta shkelësh Kushtetutën. Nën 2, ky dokument do të shkojë në negociata, por kthehet në Gjykatë Kushtetuese”, shtoi Haziri