Nënkryetarja e PDK-së, Vlora Çitaku ka reaguar pasi Kosova dhe Serbia janë pajtuar për miratimin e Deklaratës për të Zhdukurit me Dhunë.
Sipas saj, me dakordimin për këtë dokument, kryeministri Kurti ka bërë një gabim historik.
“Shqetësuese se si bëhet barazimi palëve sa i përket provave materiale për të zhdukurit, të cilat prova gjoja gjenden nën zotërimin e institucioneve të të dyja palëve”.
“Kjo Deklaratë përfundimisht e liron Serbinë nga përgjegjësia ndërkombëtare për zhdukjen me dhunë të individëve gjatë luftës në Kosovë (1998-1999) kurse Kosovën e gjuan në rolin e palës që ka kryer krime në mënyrë institucionale, njëjtë sikur Serbia”, ka shkruar Çitaku.