Kryetari i Komisionit Qeveritar për Personat e Zhdukur, Andin Hoti, thotë se me dakordimin për Deklaratën për të Zhdukurit, Serbia ka pranuar krimet e saj shtetërore ndaj popullsisë së pambrojtur të Kosovës.
Madje sipas tij Serbia ka pranuar edhe hapjen e arkivave.
“Serbia për herë të parë pranoj përmes një dokumenti zyrtar, ti hap arkivat e saj shtetërore, përfshirë edhe ato të klasifikuara”, ka shkruar Hoti.
Sipas tij kjo deklaratë e miratuar “është hapi i parë që kërkon domosdoshmërisht mbikëqyrje dhe presion të vazhdueshëm të SHBA-ve e BE-së mbi Serbinë, për zbatimin obligimeve të marra, deri në zbardhjen e fatit të personit të fundit të zhdukur në Kosovë”.
