Kryeministri i Kosovës, Albin Kurti, dhe presidenti i Serbisë, Aleksandar Vuçiq, sot në Bruksel miratuan Deklaratën për të Zhdukurit nga lufta e fundit në Kosovë.
Mirëpo, Kryetari i PSD-së, Dardan Molliqaj, këtë miratim e cilësoi si të gabuar, shkruan teve1.info.
“Sot në Bruksel, Kosovës iu bën edhe dy dëme të pariparueshme nga Albin Kurti”, ka shkruar Molliqaj në Facebook.
“Kosova u barazua me Serbinë, duke u trajtuar si dy palë të barabarta në krimet që janë kryer në vendin tonë. Pranimi i termit persona “të zhdukur me forcë” në vend të atij “të zhdukur me dhunë” (që është term juridik i pranishëm në konventat kundër krimeve të luftës), shfajëson Serbinë si shtet nga përgjegjësia për zhdukjen e personave të pagjetur. Asnjë fitore për Kosovën. Veç degradim. Veç koncesione. Dhe filma për qytetarët e vendit tonë”, postimi i plotë i Molliqaj./teve1.info/.