Kryetari i Aleancës për Ardhmërinë e Kosovës, Ramush Haradinaj, në fjalimin e mbajtur për 23-vjetorin e themelimit të partisë, ka thënë se marrëveshja me Serbinë duhet të jetë për njohje të ndërsjellë.
Andaj sipas tij, Kosova përpara ka procese që nuk do të jenë të lehta.
“Përpara kemi procese që nuk janë të lehta. Duhet t’i prijmë çdo procesi që të mos ndalet dhe në mënyrë që ne asnjëherë të mos frikësohemi. Me të drejtë besojmë në Kosovën e zhvilluar ekonomikisht. Do të punojmë për fqinjësi të mirë dhe besoj në marrëveshjen për njohje me Serbinë dhe do ta ndihmojmë Kosovën që të ecën përpara”, ka thënë ai.
Haradinaj përmendi edhe nevojën për anëtarësimin e Kosovës në NATO, duke thënë se do të punohet pa asnjë kalkulim./teve1.info/.
