Ministria e Shëndetësisë dhe Agjensioni Gjerman për Bashkëpunim Ndërkombëtar, kanë nënshkruar sot aktin e dorëzim pranimit të pajisjeve medicinale.
Këtë ka bërë të ditur Ministria e Shëndetësisë përmes një postimi në Facebook, derisa kanë njoftuar se GIZ ka siguruar për MSH-në pajisje për menaxhimin e mbetjeve medicinale në vlerë prej 208,675 euro.
GIZ i dorëzon Ministrisë së Shëndetësisë pajisje për menaxhimin e mbetjeve medicinale në vlerë prej 208, 675 euroMinistria e Shëndetësisë dhe Agjensioni Gjerman për Bashkëpunim Ndërkombëtar (GIZ) nënshkruan sot aktin e dorëzim pranimit të pajisjeve medicinale për mbeturina medicinale, të cilat GIZ i ka siguruar për Ministrinë e Shëndetësisë.
“Në ceremoninë e këtij nënshkrimi ishin të pranishëm Ministri i Shëndetësisë Dr. Arben Vitia dhe Ambasadori i Gjermanisë në Kosovë, z. Joern Rohde, të cilët paraprakisht zhvilluan një takim, ndërsa nënshkrimi i dorëzim-pranimit të pajisjeve u bë nga Sekretari i Përgjithshëm të MSh-së, Dr. Naim Bardiqi dhe drejtori i GIZ në Kosovë, z. David Oberhuber”, thuhet në njoftimin e tyre.
Njëherit, Vitia ka thënë se sigurimi i pajisjeve për mbeturina medicinale është një kontribut i vlefshëm i Qeverisë së Gjermanisë përmes GIZ.
Ambasadori, Joern Rohde, tha se ky është një kontribut për ta ndihmuar menaxhimin e mbetjeve medicinale, për një Kosovë më të shëndetshme dhe gjithashtu për ta përgatitur Kosovën për në Bashkimin Evropian.
GIZ ka siguruar një numër të pajisjeve për menaxhimin e mbetjeve medicinale të cilat do t’u dorëzohen 34 Qendrave Kryesore të Mjekësisë Familjare në komuna të Kosovës, raporton teve1.info.
“GIZ, gjithashtu, në emër të Qeverisë Gjermane, është duke mbështetur Ministrinë e Shëndetësisë të zhvillojë Planin për Menaxhimin e Mbeturinave Medicinale (PMMM). Vlera e pajisjeve për menaxhimin e mbetjeve medicinale nga GIZ për Ministrinë e Shëndetësisë është 208,675.00 euro”, ka njoftuar Ministria e Shëndetësisë./teve1.info/.