Kryeministri i Kosovës, Albin Kurti do të takohet sot në Bruksel me presidentin e Serbisë, Aleksandar Vuçiq. Takimi i përbashkët i ndërmjetësuar nga Borrell dhe Lajçak do të zhvillohet nga ora 18:00.
Takimi i 2 majit do të jetë i pari i nivelit të lartë që kur dy liderët u takuan në Ohër.
Kurti ka thënë se në këtë takim i cili do të ndërmjetësohet nga BE-ja temë diskutimi do të jetë zbatimi i Marrëveshjes së Brukselit dhe aneksit zbatimit të Ohrit.
“Duhet të diskutohet edhe Marrëveshja e Brukselit edhe aneksi i zbatimit nga Ohri që është pjesë integrale do të zbatohen pa vonesa”, ka thënë Kurti.
Ndërsa, i dërguari i BE-së për dialogun Kosovë- Serbi, Miroslav Lajçak ka thënë se në këtë takimin do të prezantohet drafti për Asociacionit si dhe do të nënshkruhet deklarata për personat e zhdukur./teve1.info
