Janë bërë disa vjet që kur në tavolinat e dialogut mes Kosovës e Serbisë u diskutua hapja e urës së Ibrit për qarkullim.
Por që prej asaj kohe e deri më tash nuk ka pasur diçka konkrete.
Ndonëse sipas një ujdie në Bruksel, ura do të duhej të ishte e hapur për qarkullim të plotë më 20 janar 2017.
E së fundmi Kuvendi komunal i Mitrovicës së Veriut, votoi për hapjen për qarkullim të automjeteve të kësaj ure.
Votimi në kuvendin e Mitrovices Veriore mori edhe mbështetjen e qeverisë kosovare.
Pavarësisht kësaj, njohësi çështjeve politike, Seb Bytyçi, thotë se nuk është insistuar mjaftueshëm në këtë drejtim.
“Sa i përket marrëveshjes së mëhershme dhe mosimplementimit të saj, kjo është në përputhje me marrëveshje tjera që nuk janë implementuar, pra nuk ka pasur insistim nga Kosova që të implementohen psh siq ka qenë marrëveshja për letërnjoftime”, tha Bytyçi.
Ai thekson se kjo marrëveshje nuk ka nevojë të ridiskutohet pasi marrëveshja në Ohër përfshin të gjitha marrëveshjet e mëparshme.
“Aty mbulohet edhe marrëveshja e mëhershme për urën, për hapjen e urës dhe nuk ka nevojë për ndonjë marrëveshje të re. Mirëpo mund të diskutohet KJO Çështje si pjesë e diskutimeve në Marrëveshjen e Ohrit, një prej pikave në këtë marrëveshje, ku edhe mund të bëhet implementimi i kësaj marrëveshje për urën bë përputhje me ndonjë marrëveshje tjetër ku mund të ketë sekuencim të hapave me Serbinë”, deklaroi Bytyçi.
Ndërkaq, njohësi i çështjeve të sigurisë, Drizan Shala vlerëson që nuk duhet bërë ndonjë veprim që mund të shpie në eskalimin e situatës.
“Asesi, në asnjë mënyrë dhe asnjë formë ne nuk duhet lejuar të rrëshqasim në ndonjë skenar ta parparë dhe paraprirë nga ana e Beogradit. Pra rivitalizimi i urës në këtë fazë të bisedimeve dhe raporteve që ka hyrë Kosova në raport me Serbinë, nuk duhet bërë ndonjë veprim të gutshëm i cili mund të vijë deri te eskalimi i sigurisë në pjesën veriore”, u shpreh Shala.
Aktualisht në urën e lumit ibër që lidhë Mitrovicën jugore me atë veriore, është e hapur vetëm për qarkullim të këmbësorëve.
Kronika e gazetares Valëza Sylejmani.