Milovan Drecun, kryetar i Komisionit Parlamentar për Kosovën në Qeverinë e Serbisë, vlerëson se me hapjen e urës në Ibër “do t’u hapej rruga shqiptarëve që të tentojnë të dëbojnë serbët, të shkaktojnë destabilizimin, me një inkursion masiv në veri”.
Kështu tha ai në një intervistë për televizionin publik serb.
“Kjo urë nuk është vetëm simbol i lirisë. Kjo urë është shumë domethënëse nëse dikush ka aspirata agresive ndaj serbëve në veri të Kosovës dhe Metohisë dhe nëse do të përpiqet të zgjidhë disa gjëra me dhunë në veri të Kosovës me njësitë e policisë speciale apo të ashtuquajturën ushtri të ardhshme të Kosovës”, ka thënë Drecun.