Një burrë qëlloi tre persona për vdekje dhe më pas kreu vetëvrasje, të dielën në qytetin portugez të Setubal, rreth 45 km në jug të kryeqytetit, shkruan CNN Portugal.
Komisioneri i policisë, Joao Freire tha për Reuters se “janë katër trupa, të cilët supozohet se ishin rezultat i të shtënave, por shkaqet dhe detajet nuk dihen ende”.
Ai shtoi se policia po e heton rastin.
CNN Portugal shkruan se të shtënat ndodhën rreth orës 8 të mëngjesit. në një lagje të varfër të Setubal të quajtur Bairro Azul dhe se personi i armatosur kreu vetëvrasje kur oficerët e policisë mbërritën në vendngjarje.
